Archive for the ‘Uncategorized’ Category

ಅಮಾವಾಸ್ಯೆ… ಹನಿಗಳು

08/06/2017

1

ಚಂದ್ರ ಕರೆದ .. ಬಾ ಇಲ್ಲಿ ಬೆಳದಿಂಗಳೇ..

ಹೂಂ ಬಂದೆ.. ಇರು.. ಎನ್ನುತ್ತ ಮಗ್ಗಲು ಹೊರಳಿದಾಗ

ಚಂದ್ರನಿಗೆ ಕಂಡಿದ್ದು ಅಮಾವಾಸ್ಯೆ..!!

2

ಗಿಂಡಿಯ ತುಂಬಾ ಕ್ಷೀರ ಸಾಗರ

ದೇವರ ಪ್ರಸಾದವೆಂದು ಸ್ಡೀಕರಿಸಿದ್ದು

ಪರಸ್ಪರ ಒಪ್ಪಿತ ಪರಸಂಗ !!

3

“ಕರುಣಾಳು ಬಾ ಬೆಳಕೇ ಮಸುಕಿದೀ ಮಬ್ಬಿನಲಿ”

ಎನ್ನುತ್ತಾ ಕರೆಯುತ್ತಿದ್ದವನು

ಇದ್ದಕಿದ್ದಂತೆ ಮೂಕನಾದದ್ದು ಏಕೆಂದರೆ

ಮತ್ತೊಬ್ಬಳು ಅಂಧೆ  ಅವನ ಕೈ ಹಿಡಿದಾಗ !!

4

ಅವಳು ಎದೆಯಲ್ಲಿ ಬಿತ್ತಿ ಹೋದ ಸಾವಿರ

ನೆನಪುಗಳೆಲ್ಲವೂ ರಕ್ತದಲ್ಲಿ ಬರೆದ ಅಕ್ಷರಗಳಂತಿದ್ದರೂ

ಬರೆಯುವಾಗಿದ್ದ ತಾಳ್ಮೆ ಅಳಿಸುವಾಗ ಇರಲಿಲ್ಲ..!!

5

ಅಲ್ಲಲ್ಲಿ ಕಳೆದುಹೋದ ಮಾತುಗಳೆಲ್ಲವೂ

ಒಂದರ ಮೇಲೊಂದರಂತೆ  ನೆನೆಪಿಗೆ ಬರುತ್ತಿದ್ದಂತೆ

 ಅವಳು ಹೇಳಿದ್ದು ಕೇಳಿಸಿತು.. “ ಇವತ್ತು ಉಪವಾಸ ” !!

 

Advertisements

ಆತ್ಮೀಯ ಅಭಿಮಾನೀ ಓದುಗ ದೊರೆಗಳೇ,

04/19/2017

ಆತ್ಮೀಯ ಅಭಿಮಾನೀ ಓದುಗ ದೊರೆಗಳೇ,

 ಕಾಲದಕನ್ನಡಿ (https://ksraghavendranavada.wordpress.com ಕನ್ನಡ ಬ್ಲಾಗ್ ಲೋಕದಲ್ಲಿ 7 ವರ್ಷಗಳನ್ನು ಕಳೆದಿದೆ! 2010 ರಲ್ಲಿ ಆರಂಭಗೊಂಡ  ಕಾಲದಕನ್ನಡಿ ಇಂದಿಗೂ ಪ್ರತಿಫಲನಗೊಳ್ಳುತ್ತಲೇ ಇದೆ! ಮೊದಲಿನಷ್ಟು ಸಂಖ್ಯೆಯ POSTS  ಗಳು ಪ್ರಕಟಗೊಳ್ಳುತ್ತಿಲ್ಲವಾದರೂ ಸಂಪೂರ್ಣ ನಿಂತಿಲ್ಲ ಎಂಬುದೊಂದೇ ಸಮಾಧಾನ ನನಗೆ. ಎಷ್ಟು ಗಟ್ಟಿ ಮತ್ತು ಎಷ್ಟು ಜೊಳ್ಳು ಎಂಬುಯದನ್ನು ನಿರ್ಧರಿಸುವವರು ನೀವು.

ಇನ್ನು ಮುಂದೆ ತನ್ನ ಸ್ವಂತ ಕನ್ನಡಿಯಲ್ಲಿ ಪ್ರತಿಫಲನಗೊಳ್ಳಲಿದೆ! ನನ್ನ ಬಹುದಿನಗಳ ಕನಸು ಕಾಲದ ಕನ್ನಡಿಗೊಂದು ಸ್ವಂತ Domain  ಹೊಂದುವುದಾಗಿತ್ತು. ಗೆಳೆಯ ಹರೀಶ ಆತ್ರೇಯ ನ ಸಂಪೂರ್ಣ ಉಚಿತ ಸಹಕಾರ  ಹಾಗೂ ನಿರ್ವಹಣೆಯಲ್ಲಿ ಕಾಲದ ಕನ್ನಡಿ ಇನ್ನು ಮುಂದೆ http://www.kaaladakannadi.com ನಲ್ಲಿ ಪ್ರಕಾಶನವಾಗಲಿದೆ . ನನ್ನದು ಮಾತ್ರವಲ್ಲ ಕಾಲದ ಕನ್ನಡಿಯನ್ನು ಓದುವವರ , ಹಿಂಬಾಲಿಸುವವರ ಹಾಗೂ ನಿಮ್ಮೆಲ್ಲರ ಕನಸಿನ ಕೂಸು ಇದು!!

ಹರಸಿ.. ಹಾರೈಸಿ, ತಿದ್ದಿ… ಓದಿ…    ಅಭಿಪ್ರಾಯಿಸಿ…

%d bloggers like this: