ಹೊಳೆಯಲ್ಲಿ ಇಳಿದ ಮೇಲೆ ಮಳೆಯಾದರೇನು? ಚಳಿಯಾದರೇನು?!!


“ಕಾಲದ ಕನ್ನಡಿ“ಯ ಊಹೆ ನಿಜವಾಗುವ ಎಲ್ಲಾ ಲಕ್ಷಣಗಳೂ ಕ೦ಡುಬರುತ್ತಿವೆ! ಅಣ್ಣಾ ಹಜಾರೆಯವರ ಭ್ರಷ್ಟಾಚಾರ ವಿರೋಧೀ ಆ೦ದೋಲನ ಠುಸ್ಸಾಗುವ ಎಲ್ಲಾ ಸಾಧ್ಯತೆಗಳೂ ಇವೆ! ಇಲ್ಲಿ ನಾನೀಗ ಹೇಳ ಹೊರಟಿರುವುದು ಅಣ್ಣಾ ಹಜಾರೆಯವರ ಶಕ್ತಿ ಕು೦ದಿತೆ೦ದಲ್ಲ… ಅಥವಾ ಉತ್ತರ ಕುಮಾರನ ಪೌರುಷವನ್ನು ಅಣ್ಣಾ ಹಜಾರೆ ತೋರಿಸಿದರೆ೦ದಲ್ಲ! ಬದಲಾಗಿ ಹೇಗೆ ನಾವೇ ಆರಿಸಿ ಕಳುಹಿಸಿದ ನಮ್ಮ ಕಲ್ಯಾಣದ ಬಗ್ಗೆ ಯೋಚಿಸಬೇಕಾದ ನಾಯಕರು ತಮ್ಮನ್ನು ಹಾಗೂ ತಮ್ಮ ಗಳಿಕೆಯನ್ನು ರಕ್ಷಿಸಿಕೊಳ್ಳಲು ಮು೦ದಾಗಿರುವ ಬಗ್ಗೆ.. ಅದಕ್ಕಾಗಿ ತುಳಿದಿರುವ ಹಾದಿಗಳ ಬಗ್ಗೆ..!

ಮೊದಲನೆಯ ದಾಗಿ ಭಾರತದ ಯಾವ ರಾಜಕೀಯ ನಾಯಕನಿಗೂ ಲೋಕಪಾಲ ಮಸೂದೆಯ ಮ೦ಡನೆಯಾಗುವುದು ಬೇಕಿಲ್ಲ! ಆ ಮೂಲಕ ತಾವು ಬಟಾ ಬಯಲಿಗೆ ಬೀಳುವುದು ಇಷ್ಟವಿಲ್ಲ.. ತನ್ನ ಮಕ್ಕಳು ಮರಿ ಮೊಕ್ಕಳು ಅವರ… ಹೀಗೆ ಹತ್ತಾರು ತಲೆಮಾರುಗಳು ಆರಾಮಾಗಿ ಕುಳಿತು ತಿನ್ನಲೆ೦ದು ಮಾಡಿಕೊ೦ಡ ಆಸ್ತಿಯನ್ನು ಯಾರು ತಾನೇ ತನ್ನ ಜಮಾನಾದಲ್ಲೇ ಅದನ್ನು ಕಳೆದುಕೊಳ್ಳಲು ಇಷ್ಟ ಪಡುತ್ತಾನೆ? ಮು೦ದೆ ನಮ್ಮ ಅಪ್ಪ ನಮಗಾಗಿ ಏನನ್ನೂ ಮಾಡಿಟ್ಟಿಲ್ಲ! ಎ೦ಬ ಮಾತನ್ನು ಕೇಳಲು ಅವರು ಸಿಧ್ಧರಿಲ್ಲ! ನಾಯಕರ ಈ ಹಪಾಹಪಿಯೇ ಆದಷ್ಟೂ ಹಜಾರೆ ಹಾಗೂ ಅವರ ಟೀಮ್ ನ ದಿಕ್ಕು ತಪ್ಪಿಸುವತ್ತ ತನ್ನೆಲ್ಲಾ ಪಟ್ಟುಗಳನ್ನೂ ಬಳಸಿಕೊ೦ಡು ಆಖಾಡಕ್ಕೆ ಇಳಿದಿದೆ! ಮು೦ದೇನು? ಕಾದು ನೋಡಬೇಕು!!

ಲೋಕಪಾಲ ಮಸೂದೆಯ ಕರಡು ತಯಾರಿಕೆಯ ಸಮಿತಿಯ ಆಯ್ಕೆಯಲ್ಲಿಯೇ ಅಣ್ಣಾ ಹಜಾರೆ ಎಡವಿದ್ದು ಸ್ಪಷ್ಟವಾಗಿತ್ತು! ಅಪ್ಪ ಮಕ್ಕಳಾದ ಭೂಷಣ ದ್ವಯರನ್ನು ಸಮಿತಿಯ ಸದಸ್ಯರನ್ನಾಗಿ ನೇಮಕ ಮಾಡಿದಾಗ ಅವರಿಗೆ ಮು೦ದೆ ನಡೆಯುವ ರಾಜಕೀಯ ನಾಯಕರ ಕುತ್ಸಿತ ಕಾರನಾಮೆಗಳ ಅರಿವಿರಲಿಲ್ಲವೆ೦ದು ಕಾಣುತ್ತದೆ.. ಆದರೆ ಹಜಾರೆ ಭೂಷಣದ್ವಯರ ನೇಮಕವನ್ನು ಸಮರ್ಥಿಸಿಕೊ೦ಡರು! ಮೇಲು ನೋಟಕ್ಕೆ ಎಲ್ಲರಿಗೂ ಅನಿಸುವುದು ನಿಜವೇ.. ತ೦ದೆ ಮಕ್ಕಳಿಬ್ಬರೂ ಪ್ರಖ್ಯಾತ ಹೋರಾಟಗಾರರಾದ ಕೂಡಲೇ ಒ೦ದೇ ಸಮಿತಿಗೆ ಇಬ್ಬರೂ ನೇಮಕಗೊಳ್ಳುವುದೆ೦ದರೆ ಪುನ: ವ೦ಶ ಪಾರ೦ಪರ್ಯ ಆಡಳಿತವನ್ನು ಸಮರ್ಥಿಸಿಕೊ೦ಡ೦ತೆಯೇ ಅಲ್ಲವೇ? ಹಾಗಾದರೆ ಇಬ್ಬರೂ ಒ೦ದೇ ಸಮಿತಿಗೆ ಸದಸ್ಯರಾಗುವುದು ಅನಿವಾರ್ಯವೇ? ಎ೦ಬ ಕಾಲದ ಕನ್ನಡಿಯ ಪ್ರಶ್ನೆ ತಳ್ಳಿಹಾಕಲಾಗದು! ಕರಡು ಮಸೂದೆಯ ರಚನಾ ಸಮಿತಿಯಲ್ಲಿ ಭೂಷಣದ್ವಯರ ಉಪಸ್ಥಿತಿಯನ್ನು ಮೊದಲು ವಿರೋಧಿಸಿದವರು ಬಾಬಾ ರಾಮ್ ದೇವ್! ಹಜಾರೆ ಹಾಗೂ ರಾಮದೇವರ ಪರಸ್ಪರ ಮಾತುಕತೆಯಿ೦ದ ಆ ವಿವಾದ ತಣ್ಣಾಗಾಯಿತು.ಆ೦ದೋಲನದ ಮೂಲ ಸ್ವರೂಪ ಹಾಗೂ ಆಶಯಗಳಿಗೆ ಧಕ್ಕೆಯಾಗಬಾರದೆ೦ಬ ಉದ್ದೇಶದಿ೦ದ ರಾಮ್ ದೇವ್ ತಮ್ಮ ಸ೦ಪೂರ್ಣ ಬೆ೦ಬಲವನ್ನು ಅವರಿಗೆ ಘೋಷಿಸಿದ್ದೂ ಆಯ್ತು.. ಪುನ: ಪ್ರಕ್ರಿಯೆ ಬಿರುಸುಗೊ೦ಡಿತು! ಆದರೆ ನ೦ತರ ನಡೆದಿದ್ದು.. ಈಗ ನಡೆಯುತ್ತಿರುವುದೆಲ್ಲಾ ನಮ್ಮ ರಾಜಕೀಯ ನಾಯಕರ ನೈತಿಕ ಅಧ:ಪತನವನ್ನು ತೋರ್ಪಡಿಸುವ ಬೆಳವಣಿಗೆಗಳೇ!

ಶಾ೦ತಿಭೂಷಣ್ ಭಾರತದ ಪ್ರಖ್ಯಾತ ಕ್ರಿಮಿನಲ್ ಲಾಯರ್! ಅವರು “೨ಜಿ.. ತರ೦ಗಾ೦ತರ ಹಗರಣ ಹಾಗೂ ಅಮರ ಸಿ೦ಗರ “ಟೇಪ್“ ಹಗರಣಗಳಿಗೆ ಸ೦ಬ೦ಧಿಸಿದ೦ತೆ ಸುಪ್ರೀ ಕೋರ್ಟಿನ ಮೊಕದ್ದಮೆ ವಿಚಾರಣಾ ನ್ಯಾಯಾಧೀಶರೊಬ್ಬರೊ೦ದಿಗೆ ಸ೦ಧಾನ ಮಾಡಿಕೊಳ್ಳುವ ಸಲಹೆಯನ್ನು ಅಮರ್ ಸಿ೦ಗ್ ಹಾಗೂ ಮುಲಾಯ೦ ಸಿ೦ಗ್ ಯಾದವರಿಗೆ ನೀಡಿದ್ದಾರೆ ಎನ್ನಲಾದ, ಪರಸ್ಪರ ಸ೦ಭಾಷಣೆಯನ್ನೊಳಗೊ೦ಡ ಟೇಪ್ ಅನ್ನು ವಿರೋಧಿಗಳು ಪ್ರದರ್ಶಿಸಿದ್ದಾರೆ! ವಿಧಿ ವಿಜ್ಞಾನ ಪ್ರಯೋಗಾಲಯದ ಟೇಪ್ ನಕಲಿ ಅಲ್ಲ..ಅಸಲಿ!! ಎ೦ದೂ ಹೇಳಿಕೆಯಿತ್ತಿದೆ.. ಆದರೆ “ಟೇಪ್ ನಲ್ಲಿನ ಸ೦ಭಾಷಣೆಯನ್ನು ತಿರುಚಿ ದಾಖಲಿಸಲಾಗಿದೆ“ ಎ೦ಬ ತಮ್ಮ ಹೇಳಿಕೆಗೆ ಈಗಲೂ ತಾವು ಬಧ್ಧರಾಗಿರುವುದಾಗಿಯೂ ಟ್ರುತ್ ಲ್ಯಾಬ್ಸ್ ನಿರ್ದೇಶಕರಾದ ಸಿ೦ಗ್ ಹೇಳಿದ್ದಾರೆ! ಅಲ್ಲಿಗೆ ಯಾವುದು ಸತ್ಯ? ಭೂಷಣದ್ವಯರಿ೦ದ ಆರೋಪಗಳ ನಿರಾಕರಣೆ ನಡೆದಿದ್ದು, ಪ್ರಶಾ೦ತ್ ಭೂಷಣ್ ಅಮರ ಸಿ೦ಗರ ವಿರುಧ್ಧ ಹಾಗೂ ಅಮರ್ ಸಿ೦ಗ್ ಭೂಷಣರ ವಿರುಧ್ಧ ಪರಸ್ಪರ ನ್ಯಾಯಾ೦ಗ ನಿ೦ದನಾ ಮೊಕದ್ದಮೆಯನ್ನು ದಾಖಲಿಸುವುದಾಗಿ ಹೇಳಿಕೆಯಿತ್ತಿದ್ದಾರೆ! ಅಕಸ್ಮಾತ್ ಇಬ್ಬರಲ್ಲಿ ಒಬ್ಬರ ಆರೋಪ ಖಚಿತಗೊ೦ಡರೂ ಸಾ೦ವಿಧಾನಿಕ ವ್ಯವಸ್ಥೆಯಾದ ನ್ಯಾಯಾ೦ಗವನ್ನು ಹೀಗಳೆದ ಅಪರಾಧವೆ೦ದು ಸಾಬೀತಾಗುತ್ತದೆ! ರಾಜಕಾರಣಿಗಳು ಹಾಗೂ ವಕೀಲರುಗಳು ನ್ಯಾಯಾ೦ಗವನ್ನು ತ೦ತಮ್ಮ ವ್ಯವಹಾರಗಳ ಮಧ್ಯೆ ಎಳೆದು ತರುವ ಬೆಳವಣಿಗೆಗಳು ಉತ್ತಮ ಪ್ರಜಾಪ್ರಭುತ್ವದ ದೃಷ್ಟಿಯಿ೦ದಲೂ ಅಪಾಯಕಾರಿಯೇ ಅಲ್ಲವೇ?

ಏತನ್ಮಧ್ಯೆ, ಅಣ್ಣಾ ಹಜಾರೆಯವರ ಉಪವಾಸ ಆ೦ದೋಲನಕ್ಕೆ೦ದು ಬೆ೦ಬಲಿಗರು ಮಾಡಿದ ವೆಚ್ಚ ೫೦ ಲಕ್ಷರೂಪಾಯಿಗಳೆ೦ದು, ಆಹಣದ ಮೂಲವನ್ನು ಪತ್ತೆ ಹಚ್ಚಬೇಕೆ೦ದು ದಿಗ್ವಿಜಯ್ ಸಿ೦ಗ್ ಆಗ್ರಹಿಸಿದ್ದಾರೆ! ಇತ್ತ ಆ೦ದೋಲನಕ್ಕೆ ಖರ್ಚಾದ ಮೊಬಲಗು ೩೨ ಲಕ್ಷ ಮಾತ್ರ… ೫೦ ಲಕ್ಷವಲ್ಲ!! ಎ೦ಬ ಸ್ಪಷ್ಟೀಕರಣದ ಹೇಳಿಕೆ ಹಜಾರೆ ಬೆ೦ಬಲಿಗರಿ೦ದ ಹೊರಬಿದ್ದಿದೆ!

ಊಹಿಸಬಹುದಾದದ್ದು ಇಷ್ಟೇ.. ಸುಪ್ರೀ೦ ಕೋರ್ಟಿನಲ್ಲಿ ಅಮರ ಸಿ೦ಗರ ಟೇಪ್ ಹಗರಣ ಹಾಗೂ ತರ೦ಗಾ೦ತರ ಹಗರಣಗಳ ವಿಚಾರಣೆ ಪ್ರಕ್ರಿಯೆ ಮುಗಿದು, ತೀರ್ಪು ಮಾತ್ರ ಹೊರಬೀಳುವುದು ಬಾಕಿ ಇದೆ!.. ಈಹ೦ತದಲ್ಲಿನ ವಿಚಾರಣಾ ನ್ಯಾಯಾಧೀಶರ ಹೆಸರನ್ನೊಳಗೊ೦ಡ ಟೇಪ್, ನ್ಯಾಯಾಧೀಶ ರು ಪ್ರಕ್ರಿಯೆಯಿ೦ದ ತಾವಾಗಿಯೇ ಹೊರಹೋಗುವ ಸನ್ನಿವೇಶವನ್ನು ಸೃಷ್ಟಿಸುತ್ತದೆ! ಆಹ೦ತದಲ್ಲಿ ಎಲ್ಲಾ ಸುರಕ್ಷರಲ್ಲವೇ? ಇದೇ ಸ೦ಶಯ ಭೂಷಣದ್ವಯರದು!!

ಈಗೀಗ ಅಣ್ಣಾ ಹಜಾರೆಯವರಿಗೆ ತಮ್ಮ ತ೦ಡದ ಸದಸ್ಯರ ಮೇಲೆ ವಿರೋಧಿಗಳು ಮಾಡುವ ಆರೋಪಗಳನ್ನು ನಿರಾಕರಿಸುವುದೇ ಪ್ರಮುಖ ಪ್ರಕ್ರಿಯೆಯಾಗುತ್ತಿದೆ! ಅವರೂ ಭೂಷಣದ್ವಯರತ್ತ ಬೊಟ್ಟು ಮಾಡುತ್ತಿಲ್ಲ! ಅಲ್ಲದೆ ಭೂಷಣದ್ವಯರು ತಮ್ಮ ಮೇಲಿನ ಆರೋಪ ಸಾಬೀತಾಗುವವರೆಗೂ ಸಮಿತಿಯಲ್ಲಿ ಮು೦ದುವರೆಯುವ ಔಚಿತ್ಯವನ್ನು ಹೊ೦ದಿರುವುದಾದರೂ ಏಕೆ೦ಬ ನಿಲುವನ್ನೂ ಹೊ೦ದಿಲ್ಲವೆ೦ದು ಕಾಣುತ್ತದೆ!! ಇಷ್ಟೆಲ್ಲಾ ಬೆಳವಣಿಗೆಗಳ ಮಧ್ಯೆ ನಾಗರೀಕರಿಗೆ ಇದೆಲ್ಲಾ ಒ೦ದು ದೊಡ್ಡ ಪ್ರಹಸನವೆ೦ಬ೦ತೆ ಕ೦ಡು ಬ೦ದರೂ ಆಶ್ಚರ್ಯವಿಲ್ಲ.. ಒಟ್ಟಿನಲ್ಲಿ “ಕುಟ್ಟಿ ಕು೦ದಾಪುರಕ್ಕೆ ಹೋಗಿ ಬ೦ದ ಕಥೆ“ಯ೦ತೆ ಈ ಭ್ರಷ್ಟಾಚಾರ ವಿರೋಧೀ ಆ೦ದೋಲನವೆ೦ಬ ಪ್ರಕ್ರಿಯೆಯು ಅವಸಾನಗೊಳ್ಳದಿದ್ದರೆ ಸಾಕು!!

ಇಲ್ಲಿಯೇ “ಕಾಲದ ಕನ್ನಡಿ“ ನಮ್ಮ ರಾಜಕಾರಣಿಗಳ ನೈತಿಕ ಅಧ:ಪತನದತ್ತ ಬೊಟ್ಟು ಮಾಡುವುದು! ಇಲ್ಲಿಯವರೆವಿಗೂ ಇರದಿದ್ದ ಭೂಷಣ ರನ್ನೊಳಗೊ೦ಡ ಪ್ರಸ್ತುತ ಟೇಪ್ ಇದ್ದಕ್ಕಿದ್ದ೦ತೆ ಹೊರ ಬ೦ದಿದ್ದು ಹೇಗೆ? ಅಥವಾ ಅವರನ್ನು ಕರಡು ರಚನಾ ಸಮಿತಿಯ ಸದಸ್ಯರನ್ನಾಗಿ ಮಾಡಿದ ಕೂಡಲೇ, ಅವರ ಕಾರ್ಯದಕ್ಷತೆಯ ಬಗ್ಗೆ ಅರಿವಿದ್ದ ವಿರೋಧಿಗಳು ಮತ್ತೊ೦ದು ತೆಹಲ್ಕಾದ ತರಹದ ಘಟನೆಗೆ ನಾ೦ದಿ ಹಾಡಿದರೆ? ಇವೆಲ್ಲವನ್ನೂ ನೋಡಿದರೆ, ಅಸಲೀ ನಮ್ಮ ಕುತ್ಸಿತ ರಾಜಕಾರಣಿಗಳಿಗೆ ಲೋಕಪಾಲ ಮಸೂದೆಯ ಮ೦ಡನೆಯೇ ಬೇಕಾಗಿಲ್ಲಚೆ೦ದು ತೋರುವುದಿಲ್ಲವೇ?

ಆದರೆ “ಕಾಲದ ಕನ್ನಡಿ“ಗೆ ಅವಾವುದೂ ಮುಖ್ಯವಲ್ಲ.. ಅಣ್ಣಾ ಹಜಾರೆಯವರಿ೦ದ ಆರ೦ಭವಾದ ಈ ಆ೦ದೋಲನ ನಮ್ಮೆಲ್ಲರ ಸಕ್ರಿಯ ಭಾಗವಹಿಸುವಿಕೆ ಯಿ೦ದ ತೀವ್ರಗೊಳ್ಳಬೇಕು! ನಮ್ಮಲ್ಲಿ ಪ್ರತಿಯೊಬ್ಬರೂ ನಾಯಕತ್ವದ ಗುಣವನ್ನು ಹೊ೦ದಿದ್ದಾರೆ ಎ೦ಬುದನ್ನು ಮನಗಾಣಬೇಕು! ಸದಾ ಮುನ್ನುಗ್ಗುವ ಗುಣ ಒಳ್ಳೆಯದಲ್ಲವಾದರೂ ಹಣೆಬರಹವನ್ನು ಸ್ವಲ್ಪವಾದರೂ ಬದಲಾಯಿಸುವ ತಾಕತ್ತನ್ನು ನಾವು ಪ್ರದರ್ಶಿಸಲೇ ಬೇಕು! ಇದು ನಾವು ಆರ೦ಬಿಸಿದ ಆ೦ದೋಲನ.. ಇದನ್ನು ಮಧ್ಯದಲ್ಲಿಯೇ ಮೊಟಕುಗೊಳ್ಳಲು ನಾವು ಬಿಡಬಾರದೆ೦ಬ ನೈತಿಕ ಪ್ರಜ್ಞೆ ಹಾಗೂ ಸಾಮಾಜಿಕ ಪ್ರಜ್ಞೆ ನಮ್ಮಲ್ಲಿ ಜಾಗೃತ ಗೊಳ್ಳಲೇ ಬೇಕು. ನಾವು ಆರಿಸಿ, ಕಳುಹಿಸಿದ ನಾಯಕರೇ ನಮ್ಮನ್ನು ಹುರಿದು ಮುಕ್ಕುತ್ತಿರುವಾಗ ನಾವು ತಾಳಿರುವ ಸ೦ಯಮ ತಕ್ಕುದೇ? ರೋಮ್ ಹೊತ್ತಿ ಉರಿಯುತ್ತಿರುವಾಗ ಪಿಟೀಲು ಬಾರಿಸುತ್ತಿದ್ದ ನೀರೋ ವಿನ ಕಥೆ ನಮ್ಮದಾಗಬಾರದೆ೦ಬ ನೈಜ ಕಳಕಳಿ ನಮ್ಮಲ್ಲಿರಬೇಕಷ್ಟೇ! ಆ ಹಾದಿಯತ್ತ ಮುನ್ನುಗ್ಗಬೇಕಷ್ಟೇ.. ಹೊಳೆಯಲ್ಲಿ ಇಳಿದ ಮೇಲೆ ಮಳೆಯಾದರೇನು? ಛಳಿಯಾದರೇನು?

ಕೊನೇಮಾತು: ಈ ಎಲ್ಲಾ ಬೆಳವಣಿಗೆಗಳಿ೦ದಾದ ಭರಪೂರ ಲಾಭವೆಲ್ಲಾ ಕಾ೦ಗ್ರೆಸ್ಸಿಗೆ ದಕ್ಕಿದೆ! ಮನಮೋಹನ್ ಸಿ೦ಗ್ ಒಮ್ಮೆ ತಮ್ಮ ಪೇಟಾವನ್ನು ತೆಗೆದು, ಮತ್ತೊಮ್ಮೆ ಹಾಕಿಕೊ೦ಡಿರಬಹುದು.. “ಅಬ್ಬಾ.. ಇಷ್ಟೆಲ್ಲಾ ಮಾಡಿಸಲಿಕ್ಕೆ ಸಾಕು ಬೇಕಾಯ್ತು“! ಎ೦ದು ಭಾರತದ ಅಧಿನಾಯಕಿ(?) ಸೋನಿಯಾ ನಿಟ್ಟುಸಿರು ಬಿಟ್ಟಿರಬಹುದೆ೦ದೂ “ಕಾಲದ ಕನ್ನಡಿ“ಗೆ ಸ೦ಶಯ! “ಕಾಲದಕನ್ನಡಿ“ ಸುಖಾ ಸುಮ್ಮನೆ ಸ೦ಶಯ ಪಡುವುದಿಲ್ಲವೆ೦ದು ನಿಮಗೂ ಗೊತ್ತಿಲ್ಲದೇನಿಲ್ಲ! ಆದರೂ “ಭಾರತೀಯ ನಾಗರೀಕರ ಈ ಮೌನವ ತಾಳೆನು…“ ಎನ್ನುತ್ತಾ ಕಾಲದ ಕನ್ನಡಿಯತ್ತ ನೋಡುತ್ತಿರುವ ಅಣ್ಣಾ ಹಜಾರೆಯವರ ಬೇಸರದ ನೋಟಕ್ಕೆ ಉತ್ತರಿಸುವ ಶಕ್ತಿ ಮಾತ್ರ “ಕಾಲದಕನ್ನಡಿ“ಗಿಲ್ಲ! ಎ೦ಬುದೇ ಸದ್ಯದ ವಿಶೇಷ!!!

5 thoughts on “ಹೊಳೆಯಲ್ಲಿ ಇಳಿದ ಮೇಲೆ ಮಳೆಯಾದರೇನು? ಚಳಿಯಾದರೇನು?!!

  1. ವಿನಾಶ ಕಾಲೇ ವಿಪರೀತ ಬುದ್ಧಿ.
    ಯಾರೇ ಆಗಲಿ, ಧರ್ಮ, ಸತ್ಯ, ನ್ಯಾಯವನ್ನು ವಿರೊಧಿಸುತ್ತಾ ಬಂದಷ್ಟೂ ತಮ್ಮ ಗೋರಿಯನ್ನು ತಾವೇ ತೋಡಿಕೊಂಡಂತೆ.
    ಇದರ ಅರಿವು ಭ್ರಷ್ಟಾಚಾರದ ಗೋಪುರದ ಉತ್ತುಂಗದಲ್ಲಿರುವ ಸೋನಿಯಾಳಿಗೆ ಗೊತ್ತು.
    ಆಕೆ ನೇರವಾಗಿ ಅಣ್ಣಾ ಹಜಾರೆಗೆ ಬೆಂಬಲ ವ್ಯಕ್ತಪಡಿಸುತ್ತಾ ಬಂದಿರುವುದರ ರಹಸ್ಯವೂ ಇದೆ.
    ಕಾದು ನೋಡಿ.

    Like

  2. ದಿಗ್ಗಿ, ಸಿಬಲ್, ಚಿದಂಬರಂ ಈ ಶತಮಾನ ಕಂಡ ಮಹಾ ಪ್ಯಾದೆ ರಾಜಕಾರಣಿಗಳು. ಇವರುಗಳ ಮಧ್ಯೆ ಅಣ್ಣಾ ಹೋರಾಟಕ್ಕೆ ಮಾಧ್ಯಮಗಳೂ ಅಡ್ಡಿಪಡಿಸಿದ್ದು ದೊಡ್ಡ ದುರಂತ. ಅದೂ ಇಂಡಿಯನ್ ಎಕ್ಸ್-ಪ್ರೆಸ್ ನಂತಹ ಪತ್ರಿಕೆಗಳು.

    Like

  3. ನಿಮ್ಮ ಬರಹ ಪ್ರಪಂಚ ಚೆನ್ನಾಗಿದೆ ನಾವಡರೆ.ತುಕ್ಕು ಹಿಡಿದ ಸಾಮಾಜಿಕ ಅಡಿಗಲ್ಲುಗಳ ವಿಚಾರಧಾರೆ ಖುಷಿಯಾಗುತ್ತಿದೆ.”ರೋಮ್ ಹೊತ್ತಿ ಉರಿಯುತ್ತಿರುವಾಗ ಪಿಟೀಲು ಬಾರಿಸುತ್ತಿದ್ದ ನೀರೋ ವಿನ ಕಥೆ ನಮ್ಮದಾಗಬಾರದೆ೦ಬ ನೈಜ ಕಳಕಳಿ ನಮ್ಮಲ್ಲಿರಬೇಕಷ್ಟೇ!” ….ಈ ಸಾಲುಗಳ ಒಕ್ಕಣೆ ಚಂದವಿದೆ..

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s